Украінцы ў Беларусі (укр.: Українці в Білорусі) — нацыянальная меншасць у Рэспубліцы Беларусь. Налічвае 158,7 тыс. асоб. Гэта 1,7% ад агульнай колькасці насельніцтва краіны. Украінцаў падзяляюць на аўтахтонных і мігрантаў. Аўтахтонныя ўкраінцы жывуць, галоўным чынам, на Берасцейшчыне і Гомельшчыне. Тэрытарыяльна, болей за ўсё ўкраінцаў жыве на Берасцейшчыне (40 тыс. асоб, альбо 2,9% ад усяго насельніцтва вобласці). Найбольшая канцэнтрацыя ўкраінцаў — у паўднёва-заходняй частцы вобласці[1].
Раён | Адсотак |
---|---|
Камянецкі раён | 7,4 |
Маларыцкі раён | 7,2 |
Брэсцкі раён | 6,9 |
Кобрынскі раён | 4,5 |
Жабінкаўскі раён | 4,3 |
Брэст | 4,2 |
Карэннае насельніцтва Берасцейшчыны расійскія навукоўцы другой паловы XIX ст. лічылі ўкраінскім, якое размаўляла «малороссийским наречием». Так, паводле вынікаў перапісу 1897 года, у Гродзенскай губерні было 362,5 тыс. украінцаў, гэта 22,6% ад усяго насельніцтва губерні. Украінцы былі ў большасці ў наступных паветах:[2]
У дачыненні мовы, украінцы паступова асімілююцца, але не беларусіфікуюцца, а, галоўным чынам, русіфікуюцца.
Вобласць | Украінская | Руская | Беларуская | Іншая/няма звестак |
---|---|---|---|---|
Брэсцкая | 39,3% | 51,5% | 7,9% | 1,3% |
Віцебская | 26,5% | 66,7% | 5,8% | 1,0% |
Гомельская | 26,7% | 62,5% | 9,1% | 1,7% |
Гродзенская | 23,4% | 64,0% | 11,2% | 1,4% |
Мінск | 23,8% | 67,9% | 5,4% | 2,9% |
Мінская | 28,7% | 60,8% | 8,8% | 1,7% |
Магілёўская | 26,2% | 65,0% | 7,5% | 1,3% |
Беларусь | 29,2% | 61,2% | 7,9% | 1,7% |