wd wp Пошук: ⬜

Станіслаў Ежы Лец

Станіслаў Ежы Лец (польск.: Stanisław Jerzy Lec; 6 сакавіка 1909, Лемберг, Аўстра-Венгрыя — 7 мая 1966, Варшава, Польшча) — выдатны польскі паэт, філосаф, пісьменнік-сатырык і афарыст XX стагоддзя.

Біяграфічныя звесткі

Нарадзіўся 6 сакавіка 1909 года ў Лембергу (Аўстра-Венгрыя). У 1933 годзе скончыў Львоўскі ўніверсітэт. У 1941—43 гадах быў вязнем нацысцкага канцлагера. У 1946—50 гадах — аташэ Польскай місіі ў Вене.

Памёр 7 мая 1966 года ў Варшаве. Пахаваны ў Варшаве на Павонзкаўскіх могілках.

Творчасць

Першая кніга вершаў — «Колеры» (1933). Аўтар зборнікаў рэфлексійна-лірычных вершаў «Палявы блакнот» (1946), «Іерусалімскі рукапіс» (1956), «Да Авеля і Каіна» (1961), «Паэмы, падрыхтаваныя да скоку» (1964), а таксама сатырычных твораў і фрашак (зборнікі «Заасад», 1935; «Прагулка цыніка», 1946; «Здзекуюся і пытаюся пра дарогу», 1959, і інш.). Майстар кароткага філасофскага парадоксу. У цыклах афарызмаў «Непрычасаныя думкі» (1957), «Новыя непрычасаныя думкі» (1964) пры дапамозе жарту, іроніі, сарказму, алюзіі, гульні слоў выказваў пратэст супраць дагматызму і любых форм гвалту над асобай.

Творы

Колеры (Barwy) (1933)
Пахне зямлёй (Ziemia pachnie) (1939)
Палявы блакнот (Notatnik polowy) (1946)
Жыцце гэта — фрашка (Życie jest fraszką) (1948)
Новыя вершы (Nowe wiersze) (1950)
Іерусалімскі рукапіс (Rękopis jerozolimski) (1956)
Непрычасаныя думкі (Myśli nieuczesane) (1957)
Кплю і пытаю пра дарогу? (Kpię i pytam о drogę?) (1959)
Да Авеля і Каіна (Do Abla i Kaina) (1961)
Аб’ява аб вышуку (List gończy) (1963)
Паэмы, гатовыя да скачка (Poema gotowe do skoku) (1964)

Бібліяграфія

Utwory wybrane. T 1-2. Warszawa, 1977.

Беларускія пераклады

3 «Непрычасаных думак» / пер. У. Арлоў. // Далягляды. Мн., 1990.

Зноскі

↑ Deutsche Nationalbibliothek, Staatsbibliothek zu Berlin, Bayerische Staatsbibliothek et al. Record #11857065X // Агульны нарматыўны кантроль — 2012—2016. Праверана 26 красавіка 2014.
1 2 Stanisław Jerzy Lec // Brockhaus Enzyklopädie / Hrsg.: Bibliographisches Institut & F. A. Brockhaus, Wissen Media Verlag Праверана 9 кастрычніка 2017.
1 2 Лец Станислав Ежи // Большая советская энциклопедия: [в 30 т.] / под ред. А. М. Прохоров — 3-е изд. — М.: Советская энциклопедия, 1969. Праверана 28 верасня 2015.
↑ Лец Станислав Ежи // Большая советская энциклопедия: [в 30 т.] / под ред. А. М. Прохоров — 3-е изд. — М.: Советская энциклопедия, 1969. Праверана 27 верасня 2015.

Спасылкі