У Вікіпедыі ёсць артыкулы пра іншых асоб з прозвішчам Хорвіц.
Роберт Хорвіц (англ.: H. Robert Horvitz; 8 мая 1947, Чыкага, ЗША) — амерыканскі біёлаг, лаўрэат Нобелеўскай прэміі ў галіне медыцыны і фізіялогіі 2002 года. Прафесар біялогіі ў Масачусецкім тэхналагічным інстытуце. Асноўны навуковы ўклад Хорвіца ўключае даследаванні чарвяка-нематоды Caenorhabditis elegans, у ходзе якіх былі адкрыты гены-рэгулятары апаптоза.
Роберт Хорвіц нарадзіўся 8 мая 1947 года ў Чыкага, паходзіць з сям’і яўрэяў-эмігрантаў. Дзед па бацьку Самуіл Хорвіц (Саламон бен Міхаіл Гурэвіч) — выхадзец з забяспечанай яўрэйскай сям’і з вёскі Шчадрын (Жлобінскі раён). Бабуля па бацьку Цыля Хорвіц імігравала ў ЗША ў пачатку XIX-га стагоддзя з Ноўгарад-Северскага, пазбягаючы пераследаў расійскіх уладаў за рэвалюцыйную дзейнасць. Абодва бацькі маці Хорвіца таксама былі яўрэйскімі імігрантамі: Давід Савіт (Давід Савіцкі) быў родам з цяпер Украіна і іміграваў у ЗША ў 1904 годзе, Роўз Блайвайс Савіт іміграваў у 1902 з польскага горада Дэмбіца.
Хорвіц скончыў Гарвардскі ўніверсітэт у 1972 годзе і там жа абараніў дысертацыю доктара філасофіі ў 1974 годзе. З тых часоў працуе ў Масачусецкім тэхналагічным інстытуце.