Рак прадсталёвай залозы (рак прастаты, карцынома прастаты, карцынома прадсталёвай залозы, англ.: prostatic cancer, лац.: adenocarcinoma prostatica) — утварэнне ракавай пухліны ў прадсталёвай залозе.
Прадухіленню хваробы спрыяе ўжыццё грубавалакністай гародніны (зяленіва і соя) і таматаў, вітамінаў А, Д і Е разам з мікраэлементам селенам. Палавое жыццё мае быць упарадкаваным і размераным[2]. У мужчын з рэгулярным палавым жыццём анкалагічныя захворванні прастаты ўзнікаюць радзей амаль на 35%.[3]
Развіццю хваробы спрыяе залішняе ўжыванне тлушчаў жывёльнага паходжання і недастатковае ўжыванне жоўта-зялёных фруктаў, ужыццё алкаголю, знешняе ўздзеянне ўльтрафіялетавага апраменьвання, апраменьванне на працоўным месцы і ўздзеянне цяжкіх металаў[4].
Хвароба выяўляецца праз складанасці з мочаспусканнем, наяўнасць крыві ў мачы, боль у ніжняй частцы спіны, у тазе і верхняй частцы сцёгнаў[5].