wd wp Пошук: ⬜

Пухавіцкі раённы краязнаўчы музей

Дзяржаўная ўстанова «Пухавіцкі раённы краязнаўчы музей» — комплекс музеяў гісторыі Пухавіцкага раёна.

Гісторыя

Пухавіцкі краязнаўчы музей, заснаваны ў 1964 г., адкрыты ў 1968 г. як школьны ў в. Дукора, з 1969 г. народны, з 1974 г. мае сучасную назву. Арганізатарам і першым дырэктарам быў В. Н. Свістун. 3 1993 г. размешчаны ў в. Блонь у сядзібным доме рэвалюцыянера-народніка А. В. Бонч-Асмалоўскага. На 2019 г. дырэктарам з’яўляўся Аляксандр Аляксандравіч Прановіч.

Порцік з чатырох мураваных тасканскіх калон, якія падтрымліваюць франтон з люкарнай у тымпане
Флігель
Від з парку
Правы фасад
Былы рэгулярны парк сядзібы
Памятная таблічка
Інфармацыйная таблічка

Фонды

Музей мае больш за 1,5 экспанатаў. У экспазіцыі прадстаўлены ўнікальныя прадметы археалогіі ранняга жалезнага веку і сярэднявечча (археалагічная і нумізматычная калекцыі), выяўленыя падчас раскопак на тэрыторыі Пухавіцкага раёна, дакументы і кнігі з асабістай бібліятэкі сям’і народнікаў-рэвалюцыянераў Бонч-Асмалоўскіх, якія з’яўляліся гаспадарамі маёнтка — дзе цяпер размешчаны музей, матэрыялы пра землякоў-удзельніц грамадзянскай грамадзянскай вайны 1918—1920 гг. і Вялікай Айчыннай вайны, прадметы вязняў лагераў смерці, асабістыя рэчы і ўзнагароды воінаў, партызан і Герояў Савецкага Саюза, кампазітара І. М. Лучанка, калекцыя малюнкаў і карцін мастака-партызана Г. Ф. Бржазоўскага, рукапісныя творы пісьменніка-земляка Васіля Гарбацэвіча, прадметы ручной апрацоўкі лёну і вырабы з яго XIX — пачатку ХХ стст., калекцыя прадметаў сялянскага побыту, вырабы ткацтва, саломапляцення, разьбы па дрэве, экспазіцыя пчалярства.

Экспазіцыя музея. Пухавіцкі строй
Экспазіцыя музея. Таццяна Аляксандраўна Ждановіч - Заслужаны ўрач БССР.
Археалагічныя аб’екты Пухавіцкага раёна‎.
Экспазіцыя музея. Геаграфічны цэнтр Беларусі

Аддзелы

Музей Героя Савецкага Саюза Мікалая Чэпіка

«Музей Героя Савецкага Саюза Мікалая Чэпіка» — музей гісторыі Героя Савецкага Саюза Мікалая Чэпіка. З’яўляецца аддзелам ДУ «Пухавіцкі раённы краязнаўчы музей». Знаходзіцца ў вёсцы Блужа ў Пухавіцкім раёне Мінскай вобласці Рэспублікі Беларусь. Музей расказвае пра дзіцячыя, школьныя гады, службе ў Савецкім Войску і подзвігу Мікалая Чэпіка ў далёкім Афганістане, пра 5-ую брыгаду спецыяльнага прызначэння, пра ваяроў-інтэрнацыяналістах, пра гісторыю Блужы, яе людзях.

Музей партызанскай славы

«Музей партызанскай славы» — музей пра партызанскім руху на тэрыторыі Пухавіцкага раёна ў гады другой сусветнай вайне. З 2001 года з’яўляецца аддзелам ДУ «Пухавіцкі раённы краязнаўчы музей». Знаходзіцца ў вёсцы Гарэлец. Стварыў музей настаўнік гісторыі Сяргей Іванавіч Сіпач [1]. Экспазіцыя расказвае пра партызанскі рух на тэрыторыі Пухавіцкага раёна ў гады Другой сусветнай вайны, пра брыгады 2-ой і 3-вой Мінскіх «Беларусь», «Буравеснік», партызанскіх атрадах імя Сталіна «Помснік», пра пісьменніка, падпольшчыка ў гады вайны Макара Паслядовіча і іншых вядомых людзей краю.

Музей і мастацкая галерэя

«Музей і мастацкая галерэя» — з’яўляецца аддзелам ДУ «Пухавіцкі раённы краязнаўчы музей». Знаходзіцца ў г. Мар’іна Горка ў Пухавіцкім раёне Мінскай вобласці Рэспублікі Беларусь. У мастацкай галерэі ёсць тры выставачных залы. Літаратурны пакой паэта, драматурга Алеся Бачылы; экспазіцыя «Якуб Колас: прырода і людзі роднага краю»; зала «Прырода». У экспазіцыі аддзела пададзены жывапіс і графіка прафесійных мастакоў-выхадцаў Пухавіцкага раёна — Васіля Барташэвіча, Леаніда Леўчанкі, Аляксандра Фінскага і датычных з раёнам: Леаніда Гоманава, Васіля Высочына, Генрыха Бржазоўскага. Наведаўшы экспазіцыю «Якуб Колас: прырода і людзі роднага краю», можна падрабязна пазнаёміцца пра знаходжанне народнага паэта ў летні перыяд у маляўнічых кутках Пухаўшчыны ў даваенны і паваенны перыяды.

Дарожны знак.
Таблічка.

Зноскі

↑ День 7 ноября 1942 года в деревне Горелец

Спасылкі

Афіцыйны сайт музея // blonmuseum.nethouse.ru
ГУ «Пуховичский районный краеведческий музей» Архівавана 27 верасня 2013. // pukhovichi.minsk-region.by