Прушч Гданьскі[1] (польск.: Pruszcz Gdański, ням.: Praust — Праўст) — горад на поўначы Польшчы, за 10 км ад цэнтра Гданьска (прылягае да гарадской забудовы Гданьска з поўдня) і 340 км ад Варшавы, частка агламерацыі Труймяста. Адміністрацыйны цэнтр Гданьскага павета Паморскага ваяводства, утварае гарадскую гміну, да 2017 года таксама з’яўляўся сядзібай вясковай гміны Прушч Гданьскі. Займае плошчу 16,47 км², насельніцтва 30,5 тыс. чалавек (на 2018).