«Пра бяско́нцасць» (шведск.: Om det oändliga) — шведска-нямецка-нарвежскі мастацкі фільм рэжысёра Роя Андэрсана, які выйшаў на экраны ў 2019 годзе[2].
Жанчына і мужчына лунаюць па-над горадам, быццам закаханыя Марка Шагала ці анёлы ў «Небе над Берлінам». Мы ідзём следам за голасам апавядальніцы, якая, нібыта казачная Шахеразада, пляце карункі гарадскіх гісторый. Мы назіраем вулічныя сцэнкі. Зазіраем у зачыненыя вокны і адчыненыя дзверы. Пранікаем ў чужыя сны і душы. Сочым за чарадой падзей, якія ўвасабляюць ардынарнае жыццё крохкага чалавецтва, прадстаўленага ва ўсім яго харастве, банальнасці, жорсткасці і прыгажосці[3].