Порт-оф-Спейн (англ.: Port of Spain) — сталіца Трынідада і Табага, яе культурны і эканамічны цэнтр.
Колькасць насельніцтва ў Порт-оф-Спейн складае больш 50 тысяч чалавек (2010). Этнічная большасць сталіцы — негры, крэолы і індапакістанцы. У горадзе пражывае таксама нязначная колькасць кітайцаў і еўрапейцаў.
Дзяржаўная мова — англійская. Распаўсюджаныя таксама іспанская, хіндзі і патуа (крэольская, якая ўзнікла на аснове французскай). Значная частка вернікаў сталіцы (больш за 70%) — хрысціяне (каталікі і пратэстанты), ёсць таксама прыхільнікі індуізму і будызму.