Малы Енісей (тув.: Каа-Хем, манг.: Бахтахын-Гол, руск.: Малый Енисей) — рака ў Манголіі і Тыве (Расія), левая складаючая ракі Енісей.
Даўжыня ракі 563 км, плошча вадазборнага басейна 58,7 тыс.км². Пачынаецца ў Дархацкай катлавіне пад назвай Шышхід-Гол, у межах Тывы пад назвай Кызыл-Хем цячэ ў адгор’ях Заходняга Саяна ў вузкай даліне, парожыстая. Нізоўі ў Тувінскай катлавіне. Сярэдні расход вады ў ніжнім цячэнні 415 м³/с. У сутоках Малога і Вялікага Енісея знаходзіцца горад Кызыл.
Рака суднаходная на адлегласці 142 км (ад вусця да пасёлка Эржэй)[1].
Река МАЛЫЙ ЕНИСЕЙ(руск.) (руск.) — інфармацыя пра аб’ект у Дзяржаўным водным рэестры РФ.
Иванов В. В. Малый Енисей // Научно-популярная энциклопедия «Вода России»(руск.)
На Вікісховішчы ёсць медыяфайлы па тэме Малы Енісей