Людмі́ла Ма́ркаўна Гу́рчанка (12 лістапада 1935, Харкаў — 30 сакавіка 2011, Масква) — савецкая і расійская актрыса
тэатра і кіно, эстрадная спявачка
. Народная артыстка СССР (1983). Лаўрэат Дзяржаўнай прэміі РСФСР ім. братоў Васільевых (1976) і Дзяржаўнай прэміі Расійскай Федэрацыі (2004).
Скончыла Усесаюзны дзяржаўны інстытут кінематаграфіі ў 1958 годзе. Яе мастацтву быў уласцівы тэмперамент, лірызм, музыкальнасць. Выконвала камедыйныя, вострахарактарныя ролі ў кіно: «Карнавальная ноч», «Дзяўчына з гітарай», «Саламяны капялюшык» і «Нябесныя ластаўкі» (тэлевізійныя), «Мама». Яе драматычны талент праявіўся ў фільмах «Старыя сцены» (Дзяржаўная прэмія Расіі 1976), «Дваццаць дзён без вайны», «Сібірыяда», «Пяць вечароў», «Палёты ў сне і наяве», «Вакзал для дваіх». Выступала як эстрадная спявачка. Аўтар кніг «Маё дарослае дзяцінства» (1982), «Апладысменты» (1987).