Кашын — адзін з самых старажытных гарадоў Цвярской зямлі, адміністрацыйны цэнтр Кашынскага раёна Цвярской вобласці Расіі. Насельніцтва 15115 чалавек (2010).
Горад размешчаны на берагах ракі Кашынкі (левы прыток Волгі), на паўднёвым усходзе вобласці, за 150 км ад Цверы, за 180 км ад Масквы, недалёка ад мяжы з Яраслаўскай вобласцю.
Чыгуначная станцыя на лініі Савёлава — Сонкава, аўтамабільныя дарогі Кашын — Калязін, Кашын — Кушаліна — Цвер, Кашын — Кесова гара — Бежацк.
Кашын — адзіны ў Цвярской вобласці горад-курорт. Санаторый каля крыніц лячэбнай і сталовай мінеральнай вады, якія знаходзяцца ў горадзе, быў адкрыты яшчэ ў канцы XIX стагоддзя. У горадзе дзейнічаюць заводы па разліву мінеральнай вады (маркі «Кашынская», «Ганна Кашынская» і «Кашынская вадзіца»).
Тэмы гэтай старонкі (4):