Не блытаць з Дарагічынскі павет. Драгічынскі павет (польск.: Powiat drohiczyński) — адміністрацыйна-тэрытарыяльная адзінка Палескага ваяводства Польскай Рэспублікі. Адміністрацыйны цэнтр — мястэчка Драгічын.
Паводле Рыжскага мірнага дагавора ў складзе Заходняй Беларусі адышоў да Польшчы. Утвораны 1 сакавіка 1921 года. Пасля ўз’яднання Заходняй Беларусі з БССР Драгічынскі павет 4 снежня 1939 года ўвайшоў у склад Пінскай вобласці. 15 студзеня 1940 года павет скасаваны.
Складаўся з 12 вясковых гмін (10 у 1939) і 2 мястэчкаў. Агульная плошча павета — 2351 км², насельніцтва — 97.000 чалавек[1], шчыльнасць — 41 чал. на км².