«Wake Up» (з англ. — «Прачніся») — дэбютны самотнік беларускага рок-гурта «Open Space», самастойна выдадзены 13 верасня 2007 года. Усе спевы напісаны самім гуртом на англійскай мове. Спачатку музыкі арыентаваліся на пяць трэкаў, але ў апошні момант на міні-альбом увайшла бонусная песня «Today», якая раней нідзе не выконвалася[1]. 13 верасня 2007 года кружэлка была прэзентавана ўжывую аншлагавым канцэртам у мінскім клубе «Графіці»[2]. Песні з яе адразу трапілі у эфір беларускіх радыёстанцый[3].
У рэцэнзіі самотніка Алена «Aresha» Сабалеўская з музычнага партала «LiveSound.by» пісала: «Ствараецца ўражанне, што слухаеш замежны гурт: добрая англійская, саўнд у духу брытанскіх рокераў (або попераў). Дужа пазнаецца ўплыў такіх калектываў, як „Travis(руск.) бел.“, „Coldplay“, „Muse(бел. (тар.)) бел.“»[4]. Яна ж вылучыла ўклад вакаліста і адзначыла найбольш прыкметныя творы на дыску «няцяжкай гітарнай музыкі трохі штучнага выканання»: «Today», «In My Head», «Wake Up»[4].
№ | Назва | Аўтар | Працягласць |
---|---|---|---|
1. | «Wake Up» | Open Space | 3:08 |
2. | «Walk With Me» | Open Space | 3:47 |
3. | «Stop It» | Open Space | 3:51 |
4. | «Song Of The Seaman» | Open Space | 2:59 |
5. | «In My Head» | Open Space | 3:57 |
6. | «Today» | Open Space | 2:54 |
|
Вытворчасць:
|