«Spotify» — стрымінгавы сэрвіс[en], які дазваляе легальна праслухоўваць музычныя кампазіцыі, аўдыёкніжкі і падкасты, не спампоўваючы іх на прыладу. Даступны ў выглядзе вэб-сайта, дадаткаў для ўсіх аперацыйных сістэм, смартфонаў, смарт-прылад і медыя-сістэм аўтамабіляў. На сэрвіс прыпадае больш за 36 % сусветнага аўдыёстрымінгу, ён даступны ў большасці краін Паўночнай і Паўднёвай Амерыкі, практычна ва ўсіх краінах Еўропы, некаторых краінах Азіі і Афрыкі, у Аўстраліі і Акіяніі.