wd wp Пошук:

Scopus umbretta

Scopus umbretta — птушка з атрада буслападобных, якую вылучаюць у асобнае сямейства.

Сістэматыка

Хоць від традыцыйна прылічаецца да буслападобных, а менавіта лічыцца сваяком бусліных і чаплевых, яго класіфікацыя не з’яўляецца бясспрэчнай. Некаторыя адносяць яго да сеўцападобных або нават ставяць яго ў самастойны атрад.

Знешні выгляд

Птушка адметная формай сваёй галавы, якая з-за вострай дзюбы і шырокага хахла, накіраванага назад, нагадвае молат. Абодва пола выглядаюць аднолькава і маюць карычняватае апярэнне.

Арэал

Жывуць у Афрыцы, ад Сьера-Леонэ і Судана да поўдня кантынента, а таксама на Мадагаскары і Аравійскім паўвостраве. Час ад часу ён сустракаецца паблізу паселішчаў і часам нават дазваляе сябе гладзіць ці карміць.

Харчаванне і паводзіны

Ежу шукаюць у начны час, палюючы пры гэтым на дробных рыбак, насякомых або земнаводных, якіх яны пужаюць сваімі нагамі. У іх маюцца пэўныя дрэвы, на якіх яны звычайна адпачываюць. Пры пошуку партнёра яны выконваюць своеасаблівыя танцы, падчас якіх выдаюць свісцячыя гукі і падскокваюць у паветра. Іх гнёзды вельмі вялікія (1,5 м у дыяметры) і маюць унутраную прастору з цяжкадаступным уваходам. Гняздо заўсёды будуецца парай птушак, і на яго стварэнне сыходзіць некалькі месяцаў. Звонку гняздо завешана рознымі ўпрыгожваннямі (касцямі, зрыўкамі). Гнёзды прадстаўнікоў віду з’яўляюцца аднымі з найбольш відовішчных птушыных збудаванняў Афрыкі. У некаторых з гэтых буйных гнёздаў прыжываюцца і іншыя птушкі. Адкладаюць за раз ад трох да сямі яек, якія выседжваюць абедзве птушкі на працягу трыццаці дзён.

Зноскі

Тэмы гэтай старонкі (8):
Катэгорыя·Жывёлы, апісаныя ў 1789 годзе
Катэгорыя·Буслападобныя
Катэгорыя·Віды па-за небяспекай
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Птушкі Афрыкі
Катэгорыя·Вікіпедыя·Ізаляваныя артыкулы/сірата0
Катэгорыя·Біялагічныя артыкулы без EOL
Катэгорыя·Жывёлы паводле алфавіта