SMAW
SMAW (англ.: Shoulder-launched Multi-purpose Assault Weapon — «запускаемая з пляча шматмэтавая штурмавая зброя») — амерыканскі ручны гранатамёт, прызначаны для знішчэння небраняванай і лёгкабраняванай тэхнікі.
Гісторыя
Распрацаваны гранатамёт ізраільскай кампаніяй IMI на аснове 82-мм гранатамёта B-300. Толькі пасля выпрабаванняў на поле бою ў перыяд канфлікту ў Персідскім заліве ў 1991 годзе было прынята рашэнне аб пастаўцы ў войскі.
Прызначэнне
У тактычным плане прадугледжваецца выкарыстоўваць гранатамёт для разбурэння палявых фартыфікацыйных збудаванняў, прароблівання праходаў у загародах, сценах будынкаў, знішчэння небраняванай і лёгкабраняванай тэхнікі. У якасці дадатковай задачы разглядаецца знішчэнне браняваных цэляў і доўгачасовых фартыфікацыйных збудаванняў. Далёкасць эфектыўнай стральбы з гранатамёта SMAW — да 500 метраў.
Канструкцыя
У канструкцыі пускавой прылады гранатамёта SMAW выкарыстоўваецца даўно адпрацаваная ў супрацьтанкавых гранатамётах схема. Пускавая труба шматразовага выкарыстання калібра 83 мм у задняй частцы мае пашырэнне для адводу газаў рухавіка рэактыўнай гранаты. Спускавы механізм электрамагнітнага тыпу з ахоўнай прыладай змантаваны ў асобным корпусе разам з пісталетнай дзяржальняй. Зверху на пускавай трубе мацуецца аптычны прыцэл. Для зручнасці прыцэльвання і карэктыроўкі, да пускавай ўстаноўцы мацуецца спецыяльнае прыстрэлачная стрэльба са з’ёмным магазінам на 6 патронаў. Патроны стрэльбы трасірныя, а іх балістыка падобная да балістыкі ракет на адлегласці не больш за 250 метраў . Спачатку страляючы вырабляе грубую наводку аптычным прыцэлам, затым выстрэльвае з прыстрэлачнай стрэльбы, пасля чаго адкарэктаваўшы агонь, запускае ракету. Для эканоміі часу, пры стральбе на нязначныя дыстанцыі, ад стрэльбы можна адмовіцца.[1]
Боепрыпасы
Галоўнай асаблівасцю сістэмы SMAW сталі боепрыпасы. Асноўным лічыцца фугасная граната падвойнага дзеяння HEDP (па-ангельску High-Explosive Dual-Purpose — «фугасны, падвойнага прызначэння»), якая змяшчае 1,1 кг выбуховага рэчыва. Узрывальнік разлічаны на імгненную дэтанацыю пры стральбе па абароненым цэлям, альбо на падрыў з запаволеннем пры паразе малаабароненых цэляў. Кумулятыўная граната HEAA (па-ангельску High-Explosive Anti-Armor — «бранябойна-фугасныая») здольная прабіць да 600 мм сталёайв катанай гамагеннай брані. Абодва боепрыпасы маюць аднолькавую рухальную частка з ракетным цвёрдапаліўным рухавіком і шматлопасным аэрадынамічным стабілізатарам. У баявым становішчы ў пускавую трубу заходзіць толькі рухальная частка ракеты, а баявая частка знаходзіцца звонку. Падчас апошніх ваенных дзеянняў у Афганістане і Іраку былі прынятыя на ўзбраенне боепрыпасы аб’ёмнага выбуху SMAW-NE (па-ангельску Novel Explosive — «новае выбуховае рэчыва»), здольныя разбураць будынкі.
Выкарыстоўваюць
Літаратура
- Мурахоўскі У.І., Федасееў С.Л. Зброя пяхоты. — М.: Арсенал-Пресс, 1997. — С. 400. — ISBN 5-85139-001-8.
Зноскі
- ↑ http://www.akm16.ru/ Архівавана 16 мая 2014.
Катэгорыя·Узбраенне Марской пяхоты ЗША
Катэгорыя·Зброя Кітая
Катэгорыя·Гранатамёты