wd wp Пошук:
    ⬜

    Rosa persica

    Rosa persica — від раслін, якія адносяцца да роду ружа (лац.: Rósa) сямейства Ружавыя.

    Нізкі куст, або кусцік, які расце ў пустынях Цэнтральнай Азіі і Ірана. Выкарыстоўваецца ў садаводстве для атрымання гібрыдных сартоў руж.

    Па дадзеных сайта The Plant List таксанамічны статус дадзенай расліны з’яўляецца нявызначаным[3].

    Класіфікацыя

    Hulthemia раней разглядалася ў якасці самастойнага роду, у цяперашні час — у якасці падроду роду Rosa.

    У складзе адзінага ў падрозе віду Rosa (Hulthemia) persica вылучаюцца дзве формы R. persica var. persica і R. persica var. berberifolia. Апошняя форма, распаўсюджаная на паўночным усходзе арэала, часам разглядаецца ў якасці самастойнага віду Rosa (Hulthemia) berberifolia.

    Апісанне

    Расліна з няспелымі пладамі

    Нізкі раскідзіста-галінасты калючы кусцік вышынёй 15-50 см. Лісце простае (у адрозненне ад большасці відаў Rosa), скурыстае, голае, прылісткаў няма. Кветкі адзінкавыя, зверху, дыяметрам 2,5-3,5 см, залаціста-жоўтага колеру з цёмна-пурпуровым аснаваннем пялёсткаў. Плады даўжынёй каля 1 см, густа абсыпаныя шыпікамі, ў спелым стане фіялетавых тонаў, пры высыханні карычневыя. Цвіце ў красавіку — пачатку мая, плады паспяваюць у чэрвені.

    Распаўсюджанне

    Від распаўсюджаны ў краінах Сярэдняй Азіі, Казахстане, Іране, Афганістане, на захадзе Кітая. У Расіі — на поўдні Заходняй Сібіры.

    Расце на пустынных саланцаватых, шчабеністых або гліністых глебах. Часта сустракаецца ўздоўж дарог.

    У культуры

    Гібрыд Rosa persica x Rosa clinophylla. Каралеўскі батанічны сад, Мадрыд.

    У садках Заходняй Еўропы гэты від разводзіцца з 1836 года[4]. Былі атрыманы шматлікія гібрыды з іншымі відамі шыпшыны (‘Eyes For You’).

    У філатэліі

    У 2006 годзе ва Узбекістане выпушчана паштовая марка з Rosa persica[5].

    Зноскі

    1. ↑ Ужываецца таксама назва Пакрытанасенныя.
    2. ↑ Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
    3. ↑ Rosa persica Michx.
    4. ↑ Jack Harkness “Breeding With Hulthemia Persica (Rosa persica)”, American Rose Annual 1977 Архівавана 25 чэрвеня 2010.
    5. ↑ Паштовыя маркі(недаступная спасылка)

    Літаратура

    Тэмы гэтай старонкі (6):
    Катэгорыя·Біялагічныя артыкулы без ITIS
    Катэгорыя·Артыкулы пра расліны без GRIN
    Катэгорыя·Флора Азіі
    Катэгорыя·Ружа
    Катэгорыя·Расліны паводле алфавіта
    Катэгорыя·Вікіпедыя·Артыкулы з непрацоўнымі спасылкамі