wd wp Пошук: ⬜

Renault S.A.

Renault S.A. — французская аўтамабілебудаўнічая карпарацыя. Штаб-кватэра — у прыгарадзе Парыжа.

Уласнікі і кіраўніцтва

Найбуйныя акцыянеры кампаніі — урад Францыі (15,01 %) і Nissan (15 %)[3].

Старшыня рады дырэктараў — Луі Швейцер, генеральны дырэктар і прэзідэнт — Карлас Гон.

Дзейнасць

«Renault» кантралюе карэйскую кампанію Samsung Motors і румынскую Dacia, валодае 44 % акцый японскай кампаніі Nissan Motor (пры гэтым апошняй прыналежыць 15 % акцый Renault) і 20 % AB Volvo. Альянс Renault і Nissan (Renault Nissan Alliance) займае адно з першых месцаў у свеце па выпуску аўтамабіляў.

Кампанія выпускае аўтамабілі пад маркамі «Renault», «Samsung», «Dacia». У мадэльны шэраг уваходзяць легкавыя і камерцыйныя (у тым ліку цяжкія грузавікі) аўтамабілі, трактары і г. д.

У 2006 годзе кампанія прадала 2,433 млн. аўтамабіляў. Выручка за гэты перыяд склала 41,53 млрд. еўра, чысты прыбытак — 2,94 млрд. еўра[3].

У студзені 2008 г. Renault склала дамову з Microsoft і Novell на замену выкарыстоўваных дыстрыбутываў GNU/Linux на Suse Linux Enterprise Server, які падпадае пад дамову 2006 г. паміж Microsoft і Novell.

Мадэльны шэраг Renault

Сучасны

Twingo
Clio III — клас B (малы)
Symbol — клас B (малы)
Logan — клас B (малы)
Megane II — клас C (гольф-клас)
Laguna II — клас D (сярэдні)
Vel Satis — клас E (бізнес-клас)
Scenic II — кампактвэн
Kangoo — універсал
Trafic
Master

Значныя гістарычныя мадэлі

Renault 16

У Беларусі

Станам на канец 2020 года ў Беларусі ў асабістай уласнасці грамадзян зарэгістравана 212 094 аўтамабіля маркі Renault[4].

Гл. таксама

Рэно (каманда Формулы-1)

Зноскі

1 2 3 4 https://group.renault.com/wp-content/uploads/2020/04/urd_2019_-3-avril_14h.pdf
↑ https://group.renault.com/finance/analystes-investisseurs/investissement-responsable/chiffres-cles-isr/
1 2 Renault пагнаўся за таннасцю. Ведамасці, № 109 (1883), 18 чэрвеня 2007
↑ Статистический обзор ко Дню автомобилиста и дорожника(руск.) (недаступная спасылка). belstat.gov.by (29 кастрычніка 2021). Архівавана з першакрыніцы 31 кастрычніка 2021. Праверана 31 кастрычніка 2021.

Спасылкі

Глабальны сайт кампаніі (англ.)