Reaumuria turkestanica — від раслін роду Reaumuria сямейства тамарыксавыя (Tamaricaceae).
Паўхмызняк 20-60 см вышынёй са шматлікімі прамымі галінамі, якія густа пакрыты лісцем. Кара жаўтлявая[3].
Лісце скурыстае, кропкава-залозавае, плоскае, яйкападобнае або яйкападобна-даўгаватае, 5-15 мм даўжынёй і 2-10 мм шырынёй. Лісце мае вострыя верхавінкі, ля аснавання пашыранае, з ледзь прыкметнымі хвосцікамі, радзей лісце ланцэтна-лінейнае[3].
Кветкі сабраныя ў суквецці-мяцёлкі, радзей адзіночныя. Пялёсткі ружовыя, зваротна-сэрцападобныя, 7-13 мм даўжынёй, 3-5 мм шырынёй. Тычынкі шматлікія, карацей пялёсткаў, у 5 пучках, ніткі іх ля аснавання пашыраныя, цэльнакрайнія. Завязь шарападобная, слупкоў 5, амаль роўных завязі[3].
Плод - пяцігранная яйкападобна-пірамідальная каробачка 8-12 мм даўжынёй і 4-5 мм шырынёй. Насенне зваротна-яйкападобнае, 4-5 мм даўжынёй, пакрыта доўгімі бурымі валаскамі[3].
Цвіце ў чэрвені - ліпені, плоданасіць у жніўні - верасні[3].
Натуральнымі абласцямі распаўсюджання з’яўляюцца Казахстан, Азербайджан, Сярэдняя Азія (Цянь-Шань, Паміра-Алай, Капетдаг, Каракумы), Іран[3].
Расце на саланчаках і саланцах, гіпсаносных глінах, засоленых пясках, па камяністых схілах перадгор’яў[3].