«Oracle» (Oracle Corporation) — амерыканская карпарацыя, другі па велічыні даходаў вытворца праграмнага забеспячэння (пасля «Microsoft»), найбуйнейшы вытворца праграмнага забеспячэння для арганізацый, буйны пастаўшчык сервернага абсталявання.
Кампанія спецыялізуецца на выпуску сістэм кіравання базамі даных, звязанага праграмнага забеспячэння і бізнес-дадаткаў (ERP- і CRM-сістэм, спецыялізаваных галінавых дадаткаў). Найбольш вядомы прадукт кампаніі — «Oracle Database», які кампанія выпускае з моманту свайго заснавання. З 2008 года карпарацыя засвоіла выпуск інтэграваных апаратна-праграмных комплексаў, а з 2009 года ў выніку паглынання «Sun Microsystems» стала вытворцам сервернага абсталявання, да гэтага кампанія выпускала выключна праграмнае забеспячэнне.
Кампанія была заснавана ў 1977 годзе. Лары Элісан — сузаснавальнік, генеральны дырэктар у перыяд з 1977 года па 2014 год, найбуйнейшы акцыянер (25 % станам на 2014 год). Падраздзяленні карпарацыі размешчаны больш чым у 145 краінах. Станам на 2019 год налічвае 136 тыс. супрацоўнікаў. Штаб-кватэра карпарацыі размешчана ў ЗША, у штаце Каліфорнія, побач з Сан-Францыска.