Nitraria retusa — від раслін роду Nitraria сямейства Nitrariaceae, які сустракаецца ў паўночнай і заходняй Афрыцы, на Блізкім Усходзе, у Ізраілі, Сірыі, Іраку, на Аравійскім паўвостраве і ў Пакістане. Расце ў пустынных раёнах на неўрадлівых пясчаных глебах.
Невялікі хмызняк, здольны расці на засоленых глебах. Можа дасягаць у вышыню 2,5 метраў, хоць, як правіла не вырастае да 1 метра.
Лісце каля 1,5 см даўжынёй, 8-10 мм шырынёй, суцэльныя.
Кветкі малюсенькія 3 мм даўжынёй, бледна-зялёнага колеру, духмяныя.
Плод маленькі чырвоны, паўсферычны, 5-10 мм у дыяметры. Валодае слабым наркатычным дзеяннем, у некаторых арабскіх краінах выкарыстоўваюцца ў ежу.