Nintendo DSi — партатыўная гульнявая сістэма кампаніі Nintendo, якая стала непасрэдным паслядоўнікам Nintendo DS Lite[1]. Распрацоўка DSi пачалася ў канцы 2006 года, і сістэма была прадстаўлена падчас канферэнцыі Nintendo у кастрычніку 2008 года ў Токіа.
Распрацоўка Nintendo DSi была пачата ў канцы 2006 года. Каманда павінна была распрацаваць тэму для новага DS у тэрмін да прэзентацыі ў канцы снежня, а ў лютым 2007 года большасць спецыфікацый для чыпсэта павінны былі быць завершаны. 1 лістапада 2008 года DSi была выпушчана ў Японіі. Nintendo адгрузіла 200 тысяч адзінак для японскага запуску DSi і на працягу першых двух дзён больш за 170 тысяч адзінак былі прададзеныя.[2]