Mafia Honey — фінскі поп-рок гурт, які быў створаны ў 2016 годзе ў Хельсінкі былой вакалісткай спыніўшага дзейнасць гурта «Sallan ja Miron matka maailman ympäri(фін.) бел.» Салай-Мар’яй Хяцінен, падпісаны мясцовым аддзяленьнем Sony Music[2]. Гурт выдаў аднайменны дэбютны сольны альбом у 2019 годзе і некалькі сінглаў з яго, усе песні напісаны Салай-Мар’яй Хяцінен.
Пачатак гурта ідзе з 2015 года, калі Сала-Мар’я Хяцінен стварыла некалькі дэма-запісаў, якімі зацікаўся лэйбл Sony Music[2]. Потым праз сацыяльныя колы яна пачала шукаць «мілых хлопцаў», якія б утварылі з ёй на чале гурт[2]. Так у склад трапілі гітарыст Томас Ніемісцё, які да гэтага граў у ансамблю фінскай поп-зоркі Робіна(руск.) бел., басіст Ілка Туовінен і барабаншчык Іаганес Эркіля[2].
Дэбютны сінгл «Rakastutaan» (бел.: Давай закахаемся) быў выдадзены 19 студзеня 2018 года[3]. Другі «Koira» (бел.: Сабака) — 1 чэрвеня 2018 года[4]. Апошні сінгл да першага альбома «Yhdeksän elämää» (бел.: Дзевяць жыццяў) трапіў у сеціва 4 студзеня 2019 года, і, па словах вакалісткі гурта Салы-Мар’і Хяцінен, гэты трэк для альбому з першай рэпетыцыі наўмысна запісваўся апошнім, а прычынай таго было жаданне дасягнуць «найлепшага паразумення» ў гурце перад яго запісам[5].
Гурт атрымаў назву ад аднаго з сабак Мэрылін Манро[6]. Маф быў мальтыйскай балонкай(руск.) бел., якую Фрэнк Сінатра падарыў Мэрылін Манро; поўная мянушка «англ.: Mafia Honey» была дадзена сабаку ў сувязі з нібыта мафіёзнымі сувязямі Сінатры[7]. Калі Манро памерла, сабаку аддалі сакратару Сінатры[7].
Назва | Выданне | Чарты | Сертыфікаты |
---|---|---|---|
FIN | |||
Mafia Honey |
|
- | - |
Назва | Год | Чарты | Альбом |
---|---|---|---|
FIN | |||
Koira | 2018 | - | Mafia Honey |
Rakastutaan | 71 (радыёчарт)[8] | ||
Yhdeksän elämää | 2019 | - |