«Лос-Анджэлес таймс» (англ.: Los Angeles Times, скарочана LA Times, перакладаецца як «Час Лос-Анджэлеса») — адна з найбольш папулярных і аўтарытэтных газет ЗША. Публікуецца ў Лос-Анджэлесе і першачарговую ўвагу надае асвятленню падзей гарадскога жыцця. Па накладзе займае 4-е месца ў ЗША.
Газета, заснаваная ў 1881 годзе, да 1917 года выдавалася Харысанам Грэем Отысам, затым перайшла ў рукі да яго зяця Гары Чандлера. У 1922 годзе стала першай газетай, якая абзавялася ўласнай радыёстанцыяй. У 1928 годзе ўпершыню ў гісторыі была арганізавана авіядастаўка гэтага выдання падпісчыкам за межамі Каліфорніі.
У пасляваенны перыяд «Los Angeles Times», перш за вядомая сваёй вельмі кансерватыўнай рэдакцыйнай палітыкай, стала займаць больш ліберальную пазіцыю. У 1948—1962 гадах выдаваўся нядзельны дадатак «Los Angeles Mirror».
Па ацэнцы Энцыклапедыі Брытаніка, пачынаючы з 1960-х гадоў «Los Angeles Times» выйшла з нішы рэгіянальнага выдання і стала «адной з вялікіх газет свету»[5]. З 2007 года ўваходзіць у медыякангламерат Tribune Company. Па стане на 2007 год у яе актыве было 38 Пулітцэраўскіх прэмій.