«Kwartalnik historii kultury materialnej» (бел.: Квартальнік гісторыі матэрыяльнай культуры) — штоквартальны часопіс Інстытута археалогіі і этналогіі Полькай акадэміі навук. Выходзіць з 1953 года ў Варшаве. Станам на 2021 год выйшла 68 тамоў.
Змяшчае артыкулы па гісторыі і метадалогіі, методыцы даследавання матэрыяльнай культуры Польшчы і іншых краін Еўропы са старажытных часоў да XX ст., гісторыі матэрыяльнай вытворчасці (прамысловасці, сельскай і лясной гаспадаркі, будаўніцтва, горнай справы), гандлю, шляхоў і сродкаў зносін, вайсковай справы, дэмаграфіі, побыту. Публікуе гістарычныя дакументы і матэрыялы.
Шмат артыкулаў датычаць гісторыі Беларусі. Часопіс змяшчае рэцэнзіі на працы беларускіх навукоўцаў.