«Kryvakryž» (таксама Крывакрыж) — крыўскі неафолк-праект Алеся Мікуса.
Дэбютны выступ адбыўся 6 красавіка 2008 года на фестывалі «Crivia Aeterna» у Мінску. Першы альбом выйшаў на музычным лэйбле «Crivia Records» у сакавіку 2009 года пад назвай «Malitvy vainy» (Малітвы вайны).[1] Перад гэтым у 2008 годзе ў Літве ўбачыў свет дыск з лірычнымі кампазіцыямі «У каралеўскіх далонях», палову песень якога створаны Крывакрыжам. У 2014 годзе выпушчаны другі альбом (часам альбом пазначаецца як аўтарскі альбом Алеся Мікуса) «Рамантыка».[2] Песні з гэтага альбома напісаны на словы Янкі Купалы, Тодара Кляшторнага і Уладзіміра Дубоўкі. Фактычна праект скончыў сваё існаванне пасля выпуску «Рамантыкі», бо потым пад гэтай назвай выступаў не было ды навінаў пра «Крывакрыж» няма.