wd wp Пошук: ⬜

JQuery

jQuery jQuery (вымаўляецца джэй-кві́эры) — крос-платформенная JavaScript-бібліятэка, прызначаная для спрашчэння сцэнарыяў на баку кліента з HTML [3]. Прадстаўлена ў студзені 2006 года ў Нью-Ёрку на канферэнцыі Баркемп Джонам Рэзігам. У цяперашні час паляпшаецца камандай распрацоўшчыкаў на чале з Дэйвам Метвінам. Выкарыстоўваецца больш чым на 80 % з 10 тысяч самых наведвальных сайтаў[4]. jQuery з’яўляецца найбольш папулярнай бібліятэкай JavaScript, якая выкарыстоўваецца сёння[5][6].

jQuery з’яўляецца свабодным праграмным забеспячэннем з адкрытым зыходным кодам, пад ліцэнзіяй MIT License [7]. Сінтаксіс jQuery распрацаваны, каб зрабіць яго больш арыентаваным на дакумент, выбарку элементаў DOM-мадэлі, стварэнне анімацыі, апрацоўку падзей і распрацоўку дадаткаў Ajax. jQuery таксама дае магчымасці для распрацоўшчыкаў па стварэнні ўбудоў у бібліятэку JavaScript. Гэта дазваляе распрацоўшчыкам ствараць абстракцыі для нізкаўзроўневага ўзаемадзеяння і анімацыі, высакаякасных эфектаў. Модульны падыход бібліятэкі jQuery дазваляе ствараць магутныя дынамічныя вэб-старонкі і вэб-дадаткі.

Мноства элементаў паводле выбаркі элементаў з DOM-мадэлі, абыход і маніпуляцыя з падтрымкай селектарнага рухавіка пад назвай «Sizzle», які выкарыстоўваецца ад версіі 1.3, стварыў новы стыль праграмавання, ф’юзінг алгарытмы і DOM-структуры даных, што паўплывала на архітэктуру іншых фрэймворкаў JavaScript, такіх як YUI v3 і Dojo.

Microsoft і Nokia выкарыстоўваюць jQuery у сваім платформах[8]. Microsoft уключыў бібліятэку ў сваё асяроддзе распрацоўкі Visual Studio [9] для выкарыстання ў рамках сваіх фрэймворкаў Microsoft ASP.NET AJAX і ASP.NET MVC, у той час як Nokia інтэгравала бібліятэку jQuery у платформу распрацоўкі віджэтаў Web Run-Time[10]. jQuery таксама выкарыстоўваецца ў MediaWiki, пачынаючы з версіі 1.16[11].

Зноскі

↑ https://blog.jquery.com/2022/08/26/jquery-3-6-1-maintenance-release/ Праверана 26 жніўня 2022.
↑ Maintenance Release — 2022.
↑ jQuery: The write less, do more, JavaScript library. The jQuery Project.
↑ JavaScript libraries usage statistics, Analysis by SimilarTech
↑ jQuery Usage Statistics Архівавана 25 снежня 2018.. Trends.BuiltWith
↑ Usage of JavaScript libraries for websites. W3Techs
↑ License — JQuery JavaScript Library. jquery.com
↑ jQuery, Microsoft, and Nokia. jQuery Blog.
↑ jQuery and Microsoft. ScottGu’s Blog.
↑ Guarana UI: A jQuery Based UI Library for Nokia WRT Архівавана 23 лістапада 2009.. Forum Nokia.
↑ jQuery. MediaWiki.

Спасылкі

На Вікісховішчы ёсць медыяфайлы па тэме JQuery
Афіцыйны сайт (англ.)
Структураваная on-line дакументацыя па JQuery (англ.)
Рэпазітар jQuery убудоў (англ.)