Google Docs — бясплатны вэб-арыентаваны тэкставы і таблічны працэсар, рэдактар прэзентацый і бланкаў ад Google. З яго дапамогай можна ствараць і рэдагаваць дакументы непасрэдна ў браўзеры, сумесна з іншымі рэдактарамі. Google Docs аб’яднаў два некалі асобныя сэрвісы: Writely і Spreadsheets, якія сталі адзіным прадуктам 10 кастрычніка 2006 года. Трэцяя частка прадукту, для працы з прэзентацыямі, распрацаваная Tonic Systems, выйшла 17 верасня 2007 года.