«Flame Is Burning» (бел.: Полымя гарыць) — песня расійскай спявачкі Юліі Самойлавай. Яна павінна была прадставіць Расію на Еўрабачанні-2017, якое адбылося ва ўкраінскай сталіцы Кіеве.[2][3]
13 сакавіка 2017 года Служба бяспекі Украіны анансавала магчымую забарону на ўезд Самойлавай за візіт у Крым у 2015 годзе праз расійскую мяжу, што забаронена ўкраінскім заканадаўствам.[4] Дзяржаўны вяшчальнік Першы канал анансаваў 13 красавіка 2017 года свой няўдзел у конкурсе.[5][6][7]
Песня пра надзею, якая ніколі не памрэ, як полымя гарыць у цемры. Ключ сі мінор (але ён сканчаецца мажорным акордам) і тэмп складае каля 73 удараў у хвіліну.
Адзінае «афіцыйнае відэа» песні паказвае спявачку на сцэне, якая спявае ў прамым эфіры тэлеканала «Расія-1». Яно было загружана на YouTube з афіцыйнага канала Еўрабачання.[8]