«Der Tagesspiegel» (бел.: Люстэрка дня) – шматтыражная нямецкамоўная штодзённая газета выдавецтва «Der Tagesspiegel GmbH» з сядзібаю ў Берліне (Германія), заснаваная ў 1945 годзе. Друкуецца ў шырокафарматным фармаце(англ.) бел.. Выданне мае ліберальна-кансерватыўны ўхіл.
Першы нумар газеты, заснаванай Эрыкам Рэгерам(ням.) бел., Вальтэрам Каршэнам(ням.) бел., Генрыхам фон Швайнішэнам і Эдвінам Рэдслабам(ням.) бел., быў надрукаваны 27 верасня 1945 года з дазволу аддзела кантролю інфармацыі амерыканскага ваеннага ўрада. Газета спачатку распаўсюджвалася ў Берліне і Брандэнбургу, пакуль у 1948 годзе савецкая блакада Заходняга Берліна не абмежавала распаўсюд газеты Заходнім Берлінам.
Уладальнікамі газеты былі Эрык Рэгер і Франц Карл Маер(ням.) бел., пакуль у 1992 годзе выдавецкі дом «Verlagsgruppe Georg von Holtzbrinck(ням.) бел.» не купіў 51% акцый. Пазней ён павялічыў сваю долю да 74,8 %, а цалкам купіў выдавецтва ў 2003 годзе[3]. 1 чэрвеня 2009 года Дытэр фон Хольцбрынк заснаваў новую медыя-кампанію «Holtzbrinck Medien GmbH» (скарочана «DvH Medien»), якая ў канчатковым выніку набыла ўсю газету[4]. У лістападзе 2009 года газета абвясціла, што з ліпеня 2010 года ёй больш не спатрэбяцца паслугі інфармацыйнага агенцтва «Deutsche Presse-Agentur(укр.) бел.»[5].