Cucullia argentea (Cucullia argentea) — від насякомых з сямейства Соўкі.
Размах крылаў 31-41 мм. Пярэднія крылы зялёныя з серабрыстымі завостранымі плямамі ля аснавання, у серадзінным поле і ў вяршыні крыла. Круглыя і пупышкападобныя серабрыстыя плямы ўнутры, праз іх праходзіць чорна-зялёны штрых. Заднія крылы белыя, ля вонкавага краю аліўкава-бурыя. Махры на абедзвюх парах крылаў белыя.
Еўропа і палеарктычная Азія акрамя поўначы: Каўказ, паўднёвы Урал, Сібір, Сярэдняя і Цэнтральная Азія, Далёкі Усход, Манголія, Манчжурыя, Карэя і Японія.
Ва Украіне распаўсюджаны на Палессі, у лесастэпе і стэпе.
Дае 1 генерацыю ў год. Лёт імага назіраецца з канца мая да жніўня. Вусень развіваецца на розных відах палыну, дарослага вусеня можна знайсці ў верасні-кастрычніку. Засяляе цалінныя ўчасткі стэпу, сухія пашы, паляны, ускрайкі лесу, на поўначы і захадзе арэала — пясчаныя арэны.
Пагрозы — узворванне стэпаў і пашаў. Ахова не ажыццяўляецца. Трэба захаваць цалінныя ўчасткі сухіх стэпаў і пашаў.