«Сесна-172 Скайхоўк» (англ.: Cessna 172 Skyhawk) — амерыканскі лёгкі самалёт. Выпускаецца кампаніяй «Сесна». Самы масавы самалёт у гісторыі авіяцыі. З 1956 года пабудавана звыш 43000 самалётаў у больш чым 25 мадыфікацыях. Вытворчасць была спынена ў сярэдзіне 80-х, адноўлена ў 1996 годзе з больш магутным рухавіком.
Самалёт (у тым ліку яго мадыфікацыя Cessna T-41 Mescalero) выкарыстоўваецца ў ВПС шэрагу краін у якасці навучальна-трэніровачнага самалёта.