Black Sabbath

Трэба выправіць арфаграфію ў артыкуле! Магчыма гэты машынны пераклад або выкарыстанне ненарматыўнага правапісу ці лексікону. Для спраўджэння існуюць адмысловыя праграмы.

«Black Sabbath» — англійскі рок-гурт, створаны ў Бірмінгеме ў 1968 Озі Осбарнам (вакал), Тоні Аёмі (гітара), Гізерам Батлерам (бас-гітара) і Білам Уордам (ударныя). Гурт неаднаразова змяняў склад, мае агулам 22 былых удзельнікаў. Першапачаткова створаны як гурт цяжкага блюз-рока з назвай «Earth» («зямля»), паступова пачаў уключаць у музыку акультныя і вусцішныя тэксты, якія поруч з пераналаджанымі на больш нізкі строй гітарамі і зменай назвы на «Black Sabbath» прывялі да павелічэння папулярнасці і дасягнення залатога і плацінавага статусу ў 1970-х гадоў. Як адзін з першых і найбольш уплывовых хэві-метальных гуртоў усіх часоў[2], «Black Sabbath» прыклаў руку да стварэння жанру дыскамі кшталту чатыры разы плацінавага «Paranoid» (1970)[3]. Гурт быў прызнаны MTV як найвялікшы метал-гурт усіх часоў[4]. Продажы склалі больш за 50 мільёнаў дыскаў толькі ў ЗША[5].

Надалей праблемы Озі з алкаголем прывялі да яго зыходу з гурта ў 1979 годзе і прыходу на яго месца былога спевака «Rainbow» Роні Джэймса Дыё. Пасля пары альбомаў у такім складзе гурт перажыў у 1980-х―1990-х гадах шматлікія змены складу, меўшы ў розныя часы ў складзе Яна Гілана, Глена Х’юза, Рэя Гілэна і Тоні Марціна. У 1992 годзе на кароткі час у гурт вярнуўся Дыё, з якім быў запісаны альбом «Dehumanizer» (1992), які і дагэтуль з’яўляецца найцяжэйшым альбомам гурта. Арыгінальны склад аб’яднаўся ізноў у 1997 годзе і паспеў выпусціць канцэртны альбом «Reunion». У 2006 годзе музыкі з складу гурта перыядаў 1979—1982 і 1991—1992 гадоў (Аёмі, Батлер, Дыё і Эпіс) сабраліся зноў у выглядзе гурта «Heaven & Hell», дзе выступалі да смерці Дыё 16 мая 2010 года.

7 сакавіка 2017 года гурт абвясціў аб распадзе.[6]

Удзельнікі гурта

Асноўны артыкул: Спіс удзельнікаў Black Sabbath Арыгінальны склад гурта:

• Тоні Аёмі — гітара, клавішныя, флейта (1969—2006; 2011—)
• Озі Осбарн — спеў, гармоніка (1969—1977, 1978—1979, 1997—2006; 2011—)
• Гізер Батлер — бас-гітара, сінтэзатары (1969—1985, 1990—1994, 1997—2006; 2011—)
• Біл Уорд — бубны, перкусія, дадатковы спеў (1969—1980, 1983, 1985, 1994, 1997—2006; 2011—)

Дыскаграфія

• «Black Sabbath» (1970)
• «Paranoid» (1970)
• «Master of Reality» (1971)
• «Black Sabbath Vol. 4» (1972)
• «Sabbath Bloody Sabbath» (1973)
• «Sabotage» (1975)
• «Technical Ecstasy» (1976)
• «Never Say Die!» (1978)
• «Heaven and Hell» (1980)
• «Mob Rules» (1981)
• «Born Again» (1983)
• «Seventh Star» (1986)
• «The Eternal Idol» (1987)
• «Headless Cross» (1989)
• «Tyr» (1990)
• «Dehumanizer» (1992)
• «Cross Purposes» (1994)
• «Forbidden» (1995)
• «13» (2013)

Зноскі

1. ↑ Metal Evolution — 2011.
2. ↑ http://www.rollingstone.com/artists/blacksabbath/albums/album/227113/review/5946174/sabbath_bloody_sabbath Архівавана 30 снежня 2007.
3. ↑ http://www.allmusic.com/album/r1999
4. ↑ http://www.mtv.com/bands/m/metal/greatest_metal_bands/071406/index2.jhtml
5. ↑ http://www.riaa.com/goldandplatinumdata.php?resultpage=2&table=tblTopArt&action=
6. ↑ Black Sabbath officially announce The End

Спасылкі

• На Вікісховішчы ёсць медыяфайлы па тэме Black Sabbath