wd wp Пошук: ⬜

BMW E23

BMW 7-й серыі (E23)BMW 7-й серыі (E23) на Вікісховішчы Агульныя даныя

Вытворца:

Bayerische Motoren Werke AG

Выпуск:

1977—1986

Зборка:

ФРГ

[Дызайн](/Дызайн "Дызайн")

Тып(ы) кузавы:

4‑дзв. седан (5‑месн.)

[Рухавікі](/Рухавік "Рухавік")I6, 2500-3500 см³[Трансмісія](/Трансмісія "Трансмісія") 4-хутк. [МКПП](/МКПП "МКПП") 5-хутк. [МКПП](/МКПП "МКПП") 3-хутк. [АКПП](/АКПП "АКПП") 4-хутк. [АКПП](/АКПП "АКПП")ХарактарыстыкіМасава-габарытныя

Даўжыня:

4860 мм

Шырыня:

1800 мм

Вышыня:

1430 мм

Колавая база:

2795 мм

Каляіна пярэдняя:

1530 мм

Каляіна задняя:

1558 мм

Маса:

1530-1670 кг

На рынку

Папярэднік

Папярэднік

Пераемнік

Пераемнік

BMW E32

Падобныя мадэлі:

Mercedes-Benz W116/Mercedes-Benz W126

Сегмент:

F-сегмент

Іншае

Дызайнер:

Поль Брак(англ.) бел.

BMW E23 — першы аўтамабіль BMW 7-й серыі. Замяніўшы сабой седан BMW E3, E23 вырабляўся на працягу 10 гадоў, з 1977 па 1987 год, пасля чаго быў заменены BMW E32 у 1986 годзе. Было выпушчана 285 029[1] экзэмпляраў.

Апісанне

Усе E23 былі аснашчаны 12 клапанымі, шасці цыліндравымі рухавікамі M30, якія аўтамабілю дасталіся ў спадчыну ад знятых з вытворчасці аўтамабіляў з кузавамі E3 і E9. Хоць большасць рухавікоў E23 інжэктарныя, дзве мадэлі (725 і 728) былі даступныя з чатырохкамерным карбюратарам Solex (да 1979), пакуль іх не замянілі інжэктарным 728i. Раннія інжэктарныя мадэлі выкарыстоўвалі сістэму ўпырску Bosch L-jetronic, у той час як больш познія мадэлі выкарыстоўвалі больш перадавы электронны ўпырск Bosch Motronic. На E23 з ліпеня 1979 усталеўваўся рухавік з турбанаддзіманнем (мадэль 745i) m102 (m30b32) да 1983 года выпуску і m106 (m30b34) да 1986 года выпуску. Магутнасць аўтамабіля з турбанаддзіманнем складала 252 к. с.

Аўтамабілі серыі E23 былі вельмі прэстыжнымі і складанымі для таго часу. Гэта былі першыя BMW, з індыкатарамі інтэрвалу абслугоўвання, ‘Check control’, якія сігналізавалі кіроўцу аб розных памылках сістэмы, і са складанымі сістэмамі кіравання клімату. Бартавыя кампутары і антыблакіровачная тармазная сістэма (ABS) былі дадатковымі опцыямі на ранніх мадэлях, але пазней сталі ўваходзіць у спіс стандартнага аснашчэння. Разнастайнасць варыянтаў камплектацыі ўключала скураную абіўку, некалькі тыпаў акуратных драўляных панэляў, вадзіцельскіх сядзенняў, падагравальнікаў сядзенняў, лабавога шкла і люстэркаў. Больш познія мадэлі былі аснашчаны вадзіцельскай падушкай бяспекі. Былі даступныя механічныя каробкі перадач з пяццю перадачамі і з чатырма перадачамі (у залежнасці ад года) і аўтаматычная каробка перадач.

Мадэльны шэраг

Выпускаліся наступныя мадэлі гэтай серыі[1][2][3]:

Мадэль	Код рухавіка	Магутнасць		Крутоўны момант		Гады выпуску
Мадэль	Код рухавіка	к.с.	пры аб/хв	Н·м	пры аб/хв	Гады выпуску
725i^‡	M30B25	150	5800	208	4000	1979–1986
728	M30B28	170	5800	233	4000	1977–1979
728i	M30B28	184	5800	234	4200	1979−1986
730	M30B30	184	5800	255	3500	1977–1979
732i	M30B32	196	5500	279	4500	1979–1986
733i	M30B32	197	5500	279	4300	1977–1982
735i	M90	218	5200	304	4000	1979–1982
735i	M30B34	218	5200	304	4000	1982–1986
745i	M102	252	5200	374	2600	1980–1982
745i	M106	252	4900	374	2200	1983–1986
Паўночная Амерыка і Японія
733i	M30B32	179	5500	266	4000	1978–1979
733i	M30B32	176	5200	255	4200	1980–1981
733i	M30B32	184	6000	264	4000	1982–1984
735i/L7	M30B34	185	5400	290	4000	1985–1987 1986–1987 (L7)
Паўднёвая Афрыка
745i	M88/3	286	6500	340	4500	1984–1986

Заўвага: ‡ Толькі па заказу ўрадаў і спецзаказаў[1]

733i

Ад пачатку выпуску ў 1977 годзе, разам з карбюратарнымі 728 і 730, у мадэльным шэрагу быў 733i — першы ў серыі з упырскам паліва. Варта адзначыць, што, як і на 3.3 Li, пазначэнне мадэлі 733i не адпавядала аб’ёму рухавіка[4].

З мадэлі 733i вясной 1978 года пачаліся продажы 7-серыі ў ЗША: ад еўрапейскай версіі машына адрознівалася больш буйнымі бамперамі і дэфарсіраваным рухавіком магутнасцю 179 к.с., а пазней і каталізатарам.

З 1977 па 1982 выраблена 27.238 аўтамабіляў гэтай мадыфікацыі[5].

Мадэль	733i^[5]
Рухавік	Бензінавы, 6-цыліндраў у шэраг
Аб'ём	3,2 л
Дыяметр цыліндра х Ход поршня, мм	89,0 х 86,0
Ступень сціску	9,3
Магутнасць пры аб/хв	197 к.с. пры 5500 аб / хв
Макс. круцільны момант пры аб/хв	280 Н·м пры 4300 аб / хв
Падрыхтаваная маса, кг	1660
Макс. хуткасць, км/г	205
Паскарэнне ад 0 да 100 км/г, с	9,0
Выдатак паліва, л/100 км	17,5

745i (ПАР)

Паўднёва-афрыканскі 745i быў адзінай мадэллю серыі E23, які быў абсталяваны 24-клапанным рухавіком M88, які таксама выкарыстоўваўся ў купэ M635CSi і седане E28 M5. Адметна, што гэтая мадэль не пазначалася як «M7», нягледзячы на рухавік спраектаваны BMW Motorsport.

Як і ўсе E23, якія прадаваліся ў Паўднёвай Афрыцы, 745i быў сабраны ў невялікай колькасці на заводзе BMW Rosslyn з камплектаў, якія пастаўляліся з Германіі (CKD-зборка). Са студзеня 1984 па красавік 1987 гады было выраблена 209 аўтамабіляў 745i, з іх прыкладна 17 былі абсталяваныя 5-ступеньчатай механічнай каробкай перадач, а астатнія былі абсталяваныя чатырохступеньчатай аўтаматычнай каробкай ZF[6].

Мадэль	745i^[7]
Рухавік	бензінавы, 6-цыліндравы, радны, DOHC, 24V з упырскам паліва Bosch DES-2
Аб'ём	3453 см³
Дыяметр цыліндра х Ход поршня, мм	93,4 х 84
Ступень сціску	10,5
Магутнасць пры аб/хв	213 кВт пры 5500 аб / хв
Макс. круцільны момант пры аб/хв	340 Н·м пры 4500 аб / хв
Каробка перадач	пяціступеньчатая, механічная I — 3,72; II — 2,40; III — 1,77; IV — 1,24; V — 1,00; задні ход — 4,23; галоўная перадача — 3,45;	чатырохступеньчатая, аўтаматычная

Універсалы

Версіі з кузавамі ўніверсал серыйна на базе E23 не вырабляліся, але невялікімі серыямі іх будавалі некаторыя кузаўныя фірмы.

Французскім імпарцёрам Garage du Bac, які, апроч непасрэдных продажаў аўтамабіляў Alpina, займаўся іх дапрацоўкай, быў прадстаўлены ўніверсал на базе Alpina B9 3.5. Было пабудавана дзве адзінкі. Абедзве машыны мелі стандартнае для Alpina абсталяванне — шасціцыліндравы рухавік М30 магутнасцю 245 к.с. У афармленні задняй частцы выкарыстоўваліся заднія ліхтары ад «пяцёркі» Е12 [8].

Некалькі ўніверсалаў на базе Е23 стварыла кампанія Schulz[9].

Свой прататып універсала на Франкфурцкім аўтасалоне 1980 года прадставілі кампанія BMW і атэлье Euler. Аўтамабіль, аднак, не выклікаў інтарэсу, таму праект развіцця не атрымаў, а два прататыпа былі прададзеныя прыватным уладальнікам. Адна з машын захавалася да нашага часу[9].

Зноскі

1 2 3 Oswald, Werner (2001). Deutsche Autos 1945–1990, Band 4 (1. ed.). Stuttgart: Motorbuch Verlag. ISBN 3-613-02131-5.
↑ Mike Covello: Standard Catalog of Imported Cars 1946–2002. Krause Publications, Iola 2002, ISBN 0-87341-605-8, p. 149-155.
↑ Automobil Revue, catalogue edition 1987, p. 196.
↑ Ur-7er E23 kaufen // autozeitung.de (ням.)
1 2 Tony Lewin. The Complete Book of BMW: Every Model since 1950. — MotorBooks International, 2004. — С. 112-117. — ISBN 0-7603-1951-0. (англ.)
↑ E23 745i SA (M88) // bmwmregistry.com (англ.)
↑ BMW 745i 5-SPD (англ.) // CAR : часопіс. — September 1984. — С. 81.
↑ Штучные универсалы // motor.ru (руск.)
1 2 Один вагон на миллион. Часть 2 // motor.ru (руск.)

Літаратура

Tony Lewin. The Complete Book of BMW: Every Model since 1950. — MotorBooks International, 2004. — С. 112-117. — ISBN 0-7603-1951-0. (англ.)
BMW 745i 5-SPD (англ.) // CAR : часопіс. — September 1984. — С. 78-81.

Спасылкі

BMW 733i: Als BMW Mercedes herausforderte // Die Zeit Online (ням.)