wd wp Пошук: ⬜

BMW 501/502

BMW 501/502 BMW 501/502 на Вікісховішчы Агульныя даныя

Вытворца:

Bayerische Motoren Werke AG

Выпуск:

1952—1958 (501)
1955—1964 (502)

Зборка:

ФРГ

[Дызайн](/Дызайн "Дызайн")

Тып(ы) кузавы:

4‑дзв. седан (5‑месн.)

[Рухавікі](/Рухавік "Рухавік")I6, 1971-2077 см³ V8, 2580-3168 см³ (502)[Трансмісія](/Трансмісія "Трансмісія") 4-хутк. [МКПП](/МКПП "МКПП")ХарактарыстыкіМасава-габарытныя

Даўжыня:

4730 мм

Шырыня:

1780 мм

Вышыня:

1530 мм

Колавая база:

2835 мм

Маса:

1340 кг і болей (501)
1440 кг і болей (502)

На рынку

Папярэднік

Папярэднік

BMW 326

Пераемнік

Пераемнік

BMW New Six

Звязаныя:

BMW 503, BMW 3200 CS

Падобныя мадэлі:

BMW/EMW 340

Сегмент:

D-сегмент

Іншае

Аб'ём бака:

70 л

Дызайнер:

Пётр Шыманоўскі

BMW 501/502 — сямейства вялікіх седанаў ад BMW. Тэхнічнай асновай сямейства сталі даваенныя распрацоўкі BMW, але арганізаваць серыйны выпуск атрымалася толькі восенню 1952 года. Працягваўся ён да 1964 года. На базе сямейства 501/502 былі створаны спорткупэ BMW 503 і BMW 3200 CS.

Гістарычны кантэкст

Пасля Другой сусветнай вайны кампанія BMW апынулася ў вельмі цяжкім становішчы.

Самы буйны завод у Эйзенахе апынуўся ў савецкай зоне акупацыі і фактычна атрымаў поўную незалежнасць ад галаўнога офіса кампаніі ў Баварыі. З 1945 па 1950 гады тут аднавілі вытворчасць перадваеннай мадэлі BMW 321, а неўзабаве завод пачаў выпускаць (у асноўным, для рэпарацыйных паставак у СССР і на экспарт) мадэрнізаваную і абноўленую версію даваеннага седана BMW 326, названую спачатку BMW 340 — у ёй характэрная для BMW рашотка радыятара з двума вертыкальнымі «ноздрамі» была заменена на больш сучасную, з гарызантальнымі брусамі. У 1951 годзе завод быў вымушаны памяняць марку BMW на EMW (E ад Eisenacher), а завадскі лагатып з традыцыйнага сіне-белага «вентылятара» BMW ператварыўся ў падобны, але чырвона-белы «вентылятар». Гэты аўтамабіль выпускаўся да 1955 года, і пасля шляхі BMW і EMW канчаткова разышліся. На заводзе ў Эйзенахе ў далейшым выпускалі малалітражкі Wartburg.

Пакінуты завод у Мюнхене ў гады вайны выпускаў авіярухавікі, і быў цалкам разбураны авіяцыяй саюзнікаў. Яго аднаўленне заняло шмат гадоў.

501

Тым не менш у [Мюнхене](/Горад_Мюнхен "Горад Мюнхен") падумвалі аб аднаўленні аўтамабільнай вытворчасці. У [1949](/1949 "1949") годзе быў створаны прататып аўтамабіля BMW 501, дызайн для якога распрацавала італьянскае атэлье [Pininfarina](/Pininfarina "Pininfarina"). Тым не менш, гэты прататып не быў прыняты, а замест яго пачалася распрацоўка аўтамабіля з выкарыстаннем перадваенных задзелаў кампаніі. BMW прадставіла 501-ю мадэль у [1951](/1951 "1951") годзе на выставе IAA ў Франкфурце. Аўтамабіль быў запушчаны ў серыю толькі ў [1952](/1952 "1952") годзе. Першапачаткова на яго ўсталёўваўся слабы для цяжкага аўтамабіля радны шасціцыліндравы рухавік аб'ёмам 1971 см3, развіваўшы ўсяго 65 [к. с.](/Конская_сіла "Конская сіла") і разганяўшы аўтамабіль да 135 км/г, што не дазваляла на роўных спаборнічаць з найноўшымі мадэлямі [Mercedes-Benz](/Mercedes-Benz "Mercedes-Benz"). У астатнім, аўтамабіль быў досыць сучасны — на ім былі ўжытыя гнутае шкло, дэталі з лёгкіх сплаваў і іншыя тэхнічныя навінкі. Аднак, дызайн аўтамабіля быў досыць кансерватыўным — палупантоныя кузавы з плыўным пераходам ад пярэдніх крылаў да задніх у тыя гады актыўна выцясняліся цалкам пантоннымі (як у «[Перамогі](/ГАЗ-М20 "ГАЗ-М20")»). У адрозненне ад EMW, мюнхенскія BMW захавалі фірмовую рашотку радыятара з двума вертыкальнымі «ноздрамі». Дызайн аўтамабіля быў вельмі самабытным і прыгожым, у сябе на радзіме гэтыя машыны атрымалі мянушку «Анёл Барока» ([ням.](/Нямецкая_мова "Нямецкая мова"): «Barockengel»). Кузаў для новай мадэлі выраблялі ў штутгарцкай фірме Baur.

У 1955 годзе аўтамабіль атрымаў шасціцыліндравы рухавік працоўным аб’ёмам 2077 см3, які развіваў 72 к.с.

502

Праз тры гады была запушчана ў серыю і васьміцыліндравая версія (2580 см3, 100 к. с., 160 км/г), якая атрымала пазначэнне BMW 502. З’яўленне гэтай мадыфікацыі дазволіла не толькі зраўняцца з [Mercedes-Benz](/Mercedes-Benz "Mercedes-Benz"), але і апярэдзіць яго, так як першы штутгартцкі V8 з’явіўся толькі ў [1963](/1963 "1963") годзе. У [1958](/1958 "1958") годзе вытворчасць шасціцыліндравых 501-х было спынена.

Гэтак жа, кузаўное атэлье Baur на базе BMW 502 выпускала купэ і кабрыялеты.

Ацэнка мадэлі

Нягледзячы на ў цэлым удалую канструкцыю і цудоўны дызайн, BMW 501/502 не былі камерцыйна паспяховымі машынамі: у пасляваеннай Германіі асаблівым попытам яны не карысталіся, а ў іншых краінах тавары «Made in Germany» куплялі неахвотна. Самы выгадны ў тыя часы амерыканскі рынак быў перапоўнены падобнымі аўтамабілямі мясцовай вытворчасці, і перспектыў выхаду на яго не было. Задачу выратавання фірмы BMW і выхаду з крызісу прыйшлося вырашаць зусім іншым аўтамабілям.

Спасылкі

Auto-Modelle 1963/64. Stuttgart: Vereinigte Motor Verlage. 1 January 1963. ASIN: B0035TGC82.
Norbye, Jan P. (1984). BMW - Bavaria’s Driving Machines. Skokie, IL: Publications International. ISBN 0-517-42464-9. https://archive.org/details/bmwbavariasdrivi00norb.
Oswald, Werner (1979). Alle BMW Automobile 1928–1978 (2. ed.). Stuttgart: Motorbuch Verlag. ISBN 3-87943-584-7.