BMW 02 серыіBMW 02 серыі на ВікісховішчыАгульныя даныя
Вытворца: | Bayerische Motoren Werke AG |
Выпуск: | 1966—1977 выпушчана 867 822 штук. |
Зборка: | ФРГ |
Тып(ы) кузавы: | 2‑дзв. купэ (4‑месн.) 2‑дзв. кабрыялет (4‑месн.) 3‑дзв. хэтчбэк (4‑месн.) |
Пераемнік |
Сегмент: | D-сегмент |
BMW 02 серыі — серыя кампактных аўтамабіляў прадстаўніцкага класа вытворчасці нямецкага аўтаканцэрна BMW у перыяд паміж 1966 і 1977 гадах, базаваўся на скарочанай версіі BMW Neue Klasse. Аўтамабілі серыі 02 прыцянулі ўвагу энтузіястаў усяго свету і зацвердзілі BMW як міжнародны брэнд.
Першым аўтамабілем серыі 02 быў 1600-2 (пазней перайменаваны ў 1602) у 1966 годзе. У 1975 годзе серыя 02 была заменена на Е21 3 серыі (за выключэннем мадэлі 1502, выпуск якой працягваўся да 1977 года).
Аўтамабілі 1600-2, якія былі пазначаны як першыя БМВ “02 серыі”, былі аўтамабілямі BMW пачатковага ўзроўню, былі меншымі па памерах, менш дарагімі і менш добрабсталяванымі, чым седан класа Neue Klasse , на базе якога яны былі распрацаваны.[1](pp144-161)[2](p69) Дырэктар па дызайну БМВ Вільгельм Гофмайсцер прызначыў на дзвюхдзверны праект калектыў распрацоўшчыкаў на чале з Георгам Бертрамам і Манфрэдам Рэненам.[3](пп18-21) Меншая даўжыня і колавая база на 23 см[4] і меншая вага дзвюхдзвернага седана зрабілі яго больш прыдатным для спартыўных спаборніцтв, чым арыгінальны седан класа New Class[2](p69)[1](п161). Як вынік, дзвюхдзверны седан стаў асновай спартыўнай серыі 02.
На пачатку 1968 года на базе кузава 02 серыі быў пабудаваны кабрыялет цюнінгавага атэл’е Karosserie Baur(англ.) бел..
У 1972 годзе да Алімпійскіх гульняў у Мюнхене для членаў аргкамітэта і аператараў былі вырабленыя электрамабілі на базе BMW 1602. У маторным адсеку месціліся 12 свінцова-кіслотных старцерных акумулятарных батарэй Varta ёмістасцю 12,6 кВт·г і вагой 350 кг, якія забяспечвалі максімальную далёкасць ходу каля 60 км, а ў горадзе — усяго 30 км. Заднія колы прыводзіліся электрарухавіком Bosch бесперапыннай магутнасці 12 кВт (пікавая — 32 кВт). За восем секунд электрамабіль разганяўся толькі да 50 км/г, але тэарэтычна мог выдаваць максімальную хуткасць 100 км/г[5].
З 1973 па 1974 год выпускалася ВМW 2002 turbo (2,0 л, 170 к.с.), якая стала першым еўрапейскім серыйным аўтамабілем з турбанаддзіманнем[6]. Асаблівасць размяшчэння турбакампрэсара (справа, унізе ад матора) пазбавіла мадэль кандыцыянера і праварульных мадыфікацый.
Аўтамабіль выпускаўся на працягу ўсяго 10 месяцаў. За гэты час было зроблена 1672 аўтамабіля[6].
Хэтчбек, які атрымаў назву Touring, на базе кузава 02 серыі быў выпушчаны ў 1971 годзе[2](p76)[1](п161). Было прададзена толькі 25 827 штук Турынгаў і таму выпуск мадэлі быў спынены ў 1974 годзе.
Мадэль | штук[7](p171-195) |
---|---|
02 серыя (1966-76) | 861 940 |
2002 турба (1973-74) | 1 672 |
Baur кабрыялет (1967-75) | 4 210 |