«Apocalyptica» (бел.: Апакалі́птыка) — фінскі гурт, які выконвае метал на віяланчэлях. У склад гурта ўваходзяць 3 віяланчэлісты і барабаншчык. Першапачаткова праславіўшыся інструментальнымі кавер-версіямі кампазіцый вядомых трэш-метал-гуртоў, у далейшым Apocalyptica пачала выпускаць матэрыял уласнага сачынення.
Жанр гурта не паддаецца адназначнаму вызначэнню, але часцей за ўсё яго характарызуюць як сімфанічны метал або віяланчэльны метал. Большасць кампазіцый — інструментальныя, аднак «Apocalyptica» таксама прыцягвала для сумесных запісаў вакалістаў з «Slipknot», «The Rasmus», «HIM», «Sepultura», «Guano Apes», «Rammstein», «Soulfly», «Bullet For My Valentine», «Lacuna Coil», «Three Days Grace», «Bush», «Shinedown», «Flyleaf», «Gojira», «Oomph!», «Hoobastank», «Nina Hagen».