3-я асобная Чырвонасцяжная брыгада спецыяльнага прызначэння — падраздзяленне спецыяльнага прызначэння Унутраных войскаў МУС РБ.
У лістападзе 1989 года ў Мінску была створана вучэнбная рота спецыяльнага прызначэння[1]. У студзені 1993 года вучэбная рота спецыяльнага прызначэння была пераўтворана ў 5-ы асобны Чырванасцяжны батальён спецыяльнага прызначэння Унутраных войскаў. У лістападзе 1994-га года, у сувязі з перападпарадкаваннем Міністэрству ўнутраных спраў і перадачай у склад унутраных войскаў часткі падраздзяленняў 120-й гвардзейскай мотастралковай дывізі, 5 батальён спецыяльнага прызначэння быў пераўтвораны ў 3-ю асобную Чырванасцяжную брыгаду аператыўнага прызначэння Ўнутраных войскаў МУС.
13 кастрычніка 2006 года ўказам прэзідэнта 3-я асобная Чырванасцяжная брыгада аператыўнага прызначэння была перайменавана ў 3-ю асобную Чырванасцяжную брыгаду спецыяльнага прызначэння Ўнутраных войскаў[2].
Падраздзяленне брала ўдзел у разгоне беларускіх пратэстаў у 2020-2021 гадах. За некалькі дзён да пачатку пратэстаў, прэзідэнт Рэспублікі Беларусь Аляксандр Лукашэнка наведаў вайсковую частку з мэтай праверкі сістэмы нацыянальнай бяспекі[3].