2-і Рэнскі ўніверсітэт
2-і Рэнскі ўніверсітэт ці Універсітэт Рэн-IІ (фр.: L’université Rennes 2) — французская дзяржаўная вышэйшая навучальная ўстанова са статусам універсітэта з сядзібай у горадзе Рэн.
Агульная характарыстыка
Установа з’яўляецца адным з двух універсітэтаў у Рэне. Ён быў створаны ў 1969 годзе на базе былога факультэта літаратуры Рэнскага ўніверсітэта, вытокі якога ўзыходзяць да Брэтанскага герцагскага ўніверсітэта, створанага яшчэ ў 1460 годзе ў Нанце. Яго галоўны кампус размешчаны на паўночны захад ад Рэна ў раёне Вільежан, як і іншы кампус, размешчаны ў Ла-Арпе. Філіял, які ўніверсітэт сумесна з 1-м Рэнскім універсітэтам заснаваў у 1991 годзе, знаходзіцца ў Сен-Брыё. Універсітэт спецыялізуецца на мовазнаўстве (замежным і брэтонскім), гуманітарных навуках, сацыяльных навуках, спорце, мастацтве і камунікацыях. Агулам ён рыхтуе каля 24 000 студэнтаў, размеркаваных па трох кампусах, у тым ліку 3 000 замежных студэнтаў. Гэта найбуйнейшы цэнтр даследаванняў і навучання ў галіне гуманітарных і сацыяльных навук на захадзе Францыі.
Структура
- Факультэт фізкультуры і спорту
- Факультэт мастацтваў, моў і камунікацый
- Філалагічны факультэт
- Факультэт гуманітарных навук
- Факультэт сацыяльных навук
Зноскі
- ↑ Repères et références statistiques sur les enseignements, la formation et la recherche 2018 — French Ministry of education, 2018. — С. 161. — 396 с. — ISBN 978-2-11-152402-6
Спасылкі
На Вікісховішчы ёсць медыяфайлы па тэме 2-і Рэнскі ўніверсітэт- Афіцыйная інтэрнэт-старонка ўстановы
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Універсітэты Францыі
Катэгорыя·Вікіпедыя·Навучальныя ўстановы без геаграфічных каардынат
Катэгорыя·Вікіпедыя·Артыкулы з крыніцамі з Вікідадзеных
Катэгорыя·Універсітэты паводле алфавіта
Катэгорыя·Рэн
Катэгорыя·Навучальныя ўстановы, заснаваныя ў 1969 годзе