У Вікіпедыі ёсць артыкулы пра іншых асоб з прозвішчам Цішчанка. Яўген Міхайлавіч Цішчанка (7 снежня 1960, Гродна — 1 жніўня 2016) — беларускі ўрач, гісторык медыцыны. Доктар медыцынскіх навук (2004), прафесар (2005). Член Міжнароднай канфедэрацыі гісторыкаў медыцыны СНД (2003), Беларускага таварыства гісторыі медыцыны і фармацыі (1995), Беларускага грамадскага аб’яднання арганізатараў аховы здароўя (2000), Польскага таварыства гісторыкаў медыцыны і фармацыі (1997).
Скончыў Гродзенскі дзяржаўны медыцынскі інстытут па спецыяльнасці «Лячэбная справа» ў 1983 годзе.
Працаваў у Гродзенскім дзяржаўным медыцынскім універсітэце (з 1983, медыка-дыягнастычны факультэт, кафедра грамадскага здароўя і аховы здароўя, у 2002—2005 і з 2013 — загадчык кафедры, 2008—2013 — дэкан факультэта, 2000 — прарэктар універсітэта па выхаваўчай рабоце).
Навуковыя інтарэсы: гісторыя медыцыны; гісторыя медыцыны Беларусі; грамадскае здароўе; ахова здароўя; медыцынская адукацыя.
Ганаровая грамата Міністэрства аховы здароўя Рэспублікі Беларусь і Беларускага рэспубліканскага прафсаюза работнікаў аховы здароўя (2008).