Яўген Васілевіч Хруноў (руск.: Евге́ний Васи́льевич Хруно́в; 10 верасня 1933, в. Пруды, Валоўскі раён, Тульская вобласць — 19 мая 2000) — савецкі касманаўт. Герой Савецкага Саюза (1969). Лётчык-касманаўт СССР (1969). Кандыдат тэхнічных навук (1971). Палкоўнік.
Скончыў Батайскае ваенна-авіяцыйнае вучылішча ў 1956 годзе, Ваенна-паветраную акадэмію ў 1968 годзе, Ваенна-палітычную акадэмію ў 1972 годзе. У 1960-80 гадах у Цэнтры падрыхтоўкі касманаўтаў імя Ю. А. Гагарына. 15-17 студзеня 1969 года здзейсніў (як інжынер-даследчык) палёт на касмічных караблях (КК) «Саюз-5» і «Саюз-4», у час якога з А. С. Елісеевым перайшоў праз адкрыты космас (37 мін) з КК «Саюз-5» (камандзір Б. В. Валынаў) у КК «Салют-4» (камандзір У. А. Шаталаў), на якім вярнуўся на Зямлю. У космасе правёў 47 гадз 46 мін. Залаты медаль К. Э. Цыялкоўскага АН СССР.