У Вікіпедыі ёсць артыкулы пра іншых асоб з прозвішчам Акеанаў. Яўген Аляксеевіч Акеанаў (нар. 14 красавіка 1921, г. Уладзікаўказ, Паўночная Асеція — ?) — беларускі мастак.
Скончыў у 1958 годзе Дзяржаўны педагагічны інстытут ва Уладзікаўказе. Удзельнік мастацкіх выставак з 1954 года.
Член Беларускага саюза мастакоў з 1975 года. Жыве ў г. Мінску.
Працуе ў станковай графіцы, акварэлі. Асноўныя творы: серыя «Па Асеціі», «Працоўныя будні», «Пакарыцелі гор», «Франтавыя дарогі», цыкл «Беларускі пейзаж».
Работы знаходзяцца ў Нацыянальным мастацкім музеі Беларусі, Музеі сучаснага выяўленчага мастацтва ў Мінску, Беларускім музеі гісторыі Вялікай Айчыннай вайны, Музеі выяўленчага мастацтва ў г. Уладзікаўказе.