У Вікіпедыі ёсць артыкулы пра іншых асоб з прозвішчам Гінзбург.
Яўгенія Сямёнаўна Гінзбург (руск.: Евгения Соломоновна Гинзбург; (20 снежня 1904, Масква — 25 мая 1977, Масква) — журналістка, мемуарыстка, кандыдат гістарычных навук. Маці пісьменніка Васіля Аксёнава.
З 1920 па 1922 год Яўгенія Гінзбург вучылася ў Казанскім універсітэце, на факультэце грамадскіх навук, пасля чаго перавялася на 3-й курс грамадскага аддзялення Казанскага Усходняга педагагічнага інстытута, які скончыла ў чэрвені 1924 года (спецыяльнасць гісторыя, у далейшым абаранілася як кандыдат гістарычных навук). Член ВКП (б) з 1932 года, работнік адукацыі ў Казані, супрацоўнік абласной газеты «Чырвоная Татарыя».
Была рэпрэсаваная ў 1937 годзе, прысуджаная да турэмнага зняволення Ваеннай калегіяй Вярхоўнага Суда па артыкуле 58, пункты 8 і 11, абвінавачвалася ва ўдзеле ў трацкісцкай тэрарыстычнай арганізацыі.
Аўтар кнігі ўспамінаў «Круты маршрут» (1967, другая частка — 1975—1977), аднаго з першых літаратурных твораў, якія распавядалі пра сталінскія рэпрэсіі ў СССР. Першая публікацыя адбылася ў Мілане (1967), куды яна была вывезена ў выглядзе аўдыёзапісу. Вываз і наступная публікацыя былі зроблены без ведама аўтара. У СССР «Круты маршрут» упершыню выдадзены ў 1988 годзе, да гэтага распаўсюджваўся ў самвыдаце.