wd wp Пошук: ⬜

Ян Янавіч Фогель

У Вікіпедыі ёсць артыкулы пра іншых асоб з прозвішчам Фогель.

Ян Янавіч Фогель (24 снежня 1898, п. Дурэ, Ліфляндская губерня, Расійская імперыя (зараз Латвія) — 9 ліпеня 1944, Навагрудскі раён, БССР) — удзельнік вызвалення Беларусі, генерал-маёр. Герой Савецкага Саюза (1945).

Біяграфія

У Чырвонай Арміі з 1918 года. Удзельнік грамадзянскай вайны. Скончыў Ваенную акадэмію імя М. Фрунзэ (1933). У Вялікую Айчынную вайну з 1943 года на Бранскім, Цэнтральным, Беларускім, 1-м Беларускім франтах.

Стралковая дывізія на чале з генерал-маёрам Янам Фогелем вызначылася ў Беларускай аперацыі 1944 года. З 24 чэрвеня да 8 ліпеня 1944 года дывізія пад яго камандаваннем прайшла з баямі ад ракі Друць да Навагрудка, вызваліла 250 населеных пунктаў, захапіла шмат варожай тэхнікі і зброі, узяла ў палон больш за 2800 нямецкіх салдат і афіцэраў, замкнула аблогу групоўкі праціўніка ў бабруйскі «кацёл». Смяротна паранены ў баі, памёр 14 ліпеня 1944 года ад ранення.

Памяць

З 1966 года вуліца Першамайскага раёна Мінска носіць яго імя.

Літаратура

Фогель Ян Янавіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2003. — Т. 16: Трыпалі — Хвіліна. — С. 433. — 576 с. — 10 000 экз. — ISBN 985-11-0263-6 (т. 16), ISBN 985-11-0035-8.
Фогель Ян Янавіч // Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш.. — Мн.: БелСЭ, 1990. — С. 607. — 680 с. — 20 000 экз. — ISBN 5-85700-012-2.
Фогель Ян Янович // Их именами названы…: Энцикл. справ. — Мн., 1987. — С. 634—635.
Фогель Ян Янович // Навечно в сердце народном. — Мн., 1984. — С. 541.