У Вікіпедыі ёсць артыкулы пра іншых асоб з прозвішчам Быхавец. Ян Казімір Быхавец (? — 1754) — рэлігійны дзеяч Вялікага Княства Літоўскага.
Паходзіў са шляхецкага роду Быхаўцаў герба «Магіла». Нарадзіўся ў сям’і Самуэля Дабрагоста Банавентуры і Крысціны з Дэнгафаў.
Ксёндз, канцлер Віленскай дыяцэзіі, воўпаўскі і лыскаўскі пробашч. Валодаў у Ваўкавыскім павеце часткай Лыскава, спадчынай па бацьках, і маёнткам Одла (Плябанаўцы) у Гарадзенскім павеце, нададзенага Віленскай капітулай.
У 1753 пры парафіяльным касцёле ў Лыскаве заснаваў кляштар місіянераў.