О́дла (польск.: Odła) — рака ў Сакульскім павеце Падляскага ваяводства Польшчы, Гродзенскім і Бераставіцкім раёнах Гродзенскай вобласці Беларусі, левы прыток Свіслачы (басейн Нёмана).
Даўжыня ракі 18 км[1]. Плошча вадазбору 94 км². Сярэдні нахіл воднай паверхні 3,1 ‰. Пачынаецца ў Польшчы, каля вёскі Малая Зубрыца. Перасякае дзяржаўную граніцу непадалёку ад хутара Мінкаўцы Гродзенскага раёна, упадае ў Свіслач за 3 км на ўсход ад вёскі Пачобуты Бераставіцкага раёна.