Яніна Баляславаўна Жэйма (1909, Ваўкавыск — 29 снежня 1987, Варшава) — савецкая кінаактрыса польскага паходжання.
Нарадзілася ў сям’і цыркавых артыстаў. У пятнаццаць гадоў, паралельна з працай на эстрадзе, Яніна паступіла ў Ленінградзе ў акцёрскую студыю ФЭСК (фабрыка эксцэнтрычнага акцёра) пад кіраўніцтвам Р. Козінцава і Л. Траўберга. З 1925 года пачала здымацца ў кіно. Найбольшую вядомасць атрымала дзякуючы выкананню галоўнай ролі ў фільме «Папялушка». У 1957 годзе пераехала ў Польшчу, але часта бывала ў СССР.