У Вікіпедыі ёсць артыкулы пра іншых асоб з прозвішчам Гардзееў.
Якаў Якаўлевіч Гардзееў (нар. 26 чэрвеня 1942, г. Гродна) — беларускі ўрач-неўрапатолаг. Доктар медыцынскіх навук (1988), прафесар (1990). Член-карэспандэнт Беларускай акадэміі медыцынскіх навук (1996).
Скончыў Гродзенскі дзяржаўны медыцынскі інстытут (спецыяльнасць «Лячэбная справа», 1965).
Працаваў у Гродзенскай абласной клінічнай бальніцы (1966—1968), Гродзенскім дзяржаўным медыцынскім універсітэце (з 1968, медыка-псіхалагічны факультэт, кафедра неўралогіі і нейрахірургіі, прафесар, у 1995—2006 — загадчык кафедры).
Навуковыя інтарэсы: клінічная і эксперыментальная дэміелінізацыя; праблемы рассеяннага склерозу.
Нагрудны знак «Выдатнік аховы здароўя Рэспублікі Беларусь» (1998), медаль Францыска Скарыны (2005), званне «Заслужаны дзеяч навукі Рэспублікі Беларусь» (2015) і інш.