Якаў Рыгоравіч Рыер (21 сакавіка 1947, Мінск) — беларускі археолаг, гісторык. Доктар гістарычных навук, прафесар.
Скончыў Магілёўскі педагагічны інстытут у 1969 годзе. З 1969 года працаваў у Магілёўскім абласным краязнаўчым музеі, з 1975 года — у Магілёўскім універсітэце.
Распрацаваў праблемы сярэдневяковай вёскі Усходняй і Цэнтральнай Еўропы. Абследаваў археалагічныя помнікі Магілёўскай вобласці, кіраваў раскопкамі паселішча і могільнікка X—XVI ст. каля Чавусаў.