У Вікіпедыі ёсць артыкулы пра іншых асоб з прозвішчам Кранц. Якаў Кранц (1741, Здзецел, Вялікае Княства Літоўскае — 18 снежня 1804, Замасць, Аўстрыйская імперыя) — яўрэйскі прапаведнік.
Вучыўся ў ешыбоце ў Мяжырычах Ровенскай вобласці, дзе здабыў славу красамоўца. У 1761 годзе заняў тут пасаду даршана (прапаведніка). Аб’ездзіў яўрэйскія абшчыны ў ваколіцах Львова, Любліна, Каліша, Замасця. У 18 гадоў прапаведаваў у Дубне (Украіна). У пропаведзях выкарыстоўваў фальклор, этычныя, галахічныя, кабалістычныя творы, інтэрпрэтуючы іх па-свойму.
Кнігі яго арацый, прытчаў (на іўрыце) выходзілі пасмяротна на Украіне, у Польшчы.